Предквалификации за Светско Првенство во Кошарка 2019 година

Пред нашите репрезентативни кошаркари кои ќе настапат во националниот сениорски состав стои многу сериозен предизвик. 

Противници ни се селекциите на Словачка и Швајцарија.

Словачка е сериозен противник со која летово одигравме два пријателски натпревари на нивен терен. Станува збор за селекција засилена со двајца американци кои добија право за настап, од кои едниот е натурализиран Словак.

Швајцарија е селекција  со која немаме играно и е просечна репрезентација која мораме да ја совладаме на двата натпревари. Првиот натпревар е во Попрад против Словачка на 23 ноември во 18 часот.

Што се однесува до Македонската репрезентација, на првиот тренинг и прозивка се појавија 14 кошаркари : Војдан Стојановски, Дамјан Стојановски, Александар Костовски, Бојан Крстевски, Ненад Димитриевиќ, Дарко Соколов, Димитар Караџовски, Бобан Стајиќ, Адем Мекиќ, Андреј Магдевски, Стојан Ѓуровски, Кирил Николовски, Љубомир Младеновски и  Бојан Трајковски- од 24 повикани на поширокиот список. Некои откажаа а некои како Чековски пријавиле повреда. Крилниот центар Бојан Трајковски кој дојде кратко на прозивката пријави повреда на препоните и побара да биде ослободен од репрезентативните обврски за да го реши здравствениот проблем. Во ситуација кога имаме недостаток на високи играчи под кошевите нејасно е зошто ги нема во составот младиот Маслинко (208см) и Дујковиќ (226см) и целата тежина на центарските позиции ќе падне на Младеновски, Николовски и Крстевски. Љубомир Младеновски одлично се прилагоди и игра во Словенија во Илирија и очекуваме  со Николовски да одиграат солидно под двата коша каде сме ,,најтенки,, , бидејки ги нема  нашите натурализирани Американци. Играта повторно ќе ја носат пониските играчи-браќата Војдан и Дамјан Стојановски, бековите-Магдевски, Димитриевиќ, Соколов, крилото Ѓуровски, во зависност со кој ростер ќе настапи селекторот Јорданчо Давитков.

Времето до 23 ноември е кратко, меѓутоа овие играчи одлично се познавааат и очекуваме победи против селекциите на Словачка и Швајцарија и за брзо време да го вратиме сјајот на Македонската кошаркарска репрезентација.

Автор: Кремац